ආයුබෝවන්,
සිංහලයන් එක එක මත වලට බෙදිලා. එක මතයකට ගන්න පුළුවන් දවසක් පෙන්නේත් නැහැ.
ඒ මදිවට මුහුණු පොතේ තම ජාතිය ගැන අපිට කතා කරන්න නිදහස නැහැ. Report වෙනවා, ගිණුම් තහනම් වෙනවා.

එනිසා මම කල්පනා කලේ කාලාමයේ මේ සමුහය ආරම්භ කරන්න.

බොහෝ මතවාද තියන නිසා අපි ඒක මතයකට ඇවිත් දේශපාලනයට බලපෑමක් කරන්න හිතුවොත් ඒක කරන්න තව බොහෝ කාලයක් යනවා. ඒ හින්ද ඔබගේ මතය මොකක් වුනත් ඔබ සිංහලයා වෙනුවෙන් දෙයක් කරන්න උත්සාහ කරනවා නම් මේ සමුහයට එකතු වෙන්න. ඔබගේ සමාන මත ඇති මිතුරන්, පක්ෂ වලට කඩේ නොයන අය මෙතැනට එකතු කරන්න.

මම දේශපාලන පක්ෂයක් හදන්න නෙවේ හදන්නේ, එහෙනම් මොකක්ද මේ සමුහයෙන් කරන්න යන්නේ?

1. ඔබ සියලුදෙනාට මොන මතවාද දැරුවත් ඔබට අවශ්‍ය මුලික දේශපාලන දැනුමක් තියනවා.

2. රටේ දේශපාලනය, ආර්ථිකය සහ සංස්කෘතිය මොන දිශාවටද යන්න ඕනෑ කියල ඔබට දැනුමක් අවශ්‍ය වෙනවා.

අන්න ඒ ටික ඔබට ලබා දෙන්න මම මේ උත්සාහ කරන්නේ.

එහෙම නැතිව අරය හොඳයි, මෙයා නරකයි, ඒ තීරණය හොඳයි, මේ තීරණය නරකයි, මම කැමති පක්ෂෙ මොනවා කලත් හොඳයි, අනිත් අය මොනවා කලත් වැරදියි වගේ අවබෝදයෙන් තොර හැසිරීම් අපේ රට පස්සට මිස ඉස්සරහට ගෙනියන්නේ නැහැ.

එනිසා ඔබ දේශපාලනයට කැමති කෙනෙක් නම් මේ දේවල් දෙතුන් වරක් හොඳින් කියවල තේරුම් අරන් තමන්ගේ දේශපාලන මතයට එකතු කර ගන්න.

ඔබ දේශපාලනයට අකමැති කෙනෙක් නම් වහාම කැමති වෙන්න, මොකද රට ඉදිරියට යන්න නම් විශේෂයෙන්ම තරුණ ඔබ දේශපාලනයට මැදිහත් වෙන්නම වෙනවා.

මේ දැනුම අරන් ඊට පස්සේ මුහුණු පොතේ ඉන්න ඔබේ යහළුවන් හැකි තරම් පක්ෂ වහල් මානසික තත්වයෙන් මුදා ගන්න. ඔවුන් කාලාමයේ සාමාජිකයන් කරලා මේ දැනුම ව්‍යාප්ත කරන්න උදව් කරන්න.

1. කැමැති පක්ෂයකට සහාය දෙන්න නමුත් ඇයි වහල් වෙන්නේ?
විශ්වාසය සහ සැබෑ නියෝජිත දේශපාලනය තේරුම් ගමු: https://kaalama.org/read-blog/213

2. සැබෑ ජනතා නියෝජනයට මග විවර කරන්නේ කොහොමද?
අසන බුද්ධි මණ්ඩප සංකල්පය: https://kaalama.org/read-blog/5

3. රටේ ආර්ථිකය මොන අතටද යන්න ඔනෑ?
විමධ්‍යගත ආර්ථික සැලසුම: https://kaalama.org/read-blog/3

4. රටේ අධ්‍යාපනය මොන අතටද යන්න ඔනෑ?
අධ්‍යාපන ප්‍රතිසංස්කරණ සැලසුම: https://kaalama.org/read-blog/6176

5. රටේ සංස්කෘතිය මොන අතටද යන්න ඔනෑ?
ලාංකීය සංස්කෘතික සහ සාමාජිය ප්‍රතිසංස්කරණ යෝජනාව : https://kaalama.org/read-blog/7033

මම නැවත කියනවා, මේ මත වලට ඔබ එකඟ වෙන්න අවශ්‍ය නැහැ, නමුත් ඒ සාරය එකතු කරලා ඔබේ මතය දියුණු කර ගන්න.

හැකි තරම් ඔබේ මිතුරන් කාලාමයේ සාමාජිකයන් කරලා මේ දැනුම ව්‍යාප්ත කරන්න උදව් කරන්න.


තෙරුවන් සරණයි!

ආචාර්ය බුද්ධික අදිකාරී, කාලාමය.
සිංහල ව්‍යවසායකයන් බිහි කිරීමේ ව්‍යාපෘතිය : https://kaalama.org/read-blog/204

----//-----
by Dr. Buddika Adikari
B.Sc (Moratuwa), PhD (Surrey, UK)
© Buddika R B Adikari All Rights Reserved.


.

image

බොහෝ දෙනා තමන්ගේම ව්‍යාපාරයක් ආරම්භ කරන්න ණය හොයනවා. මම එකට විරුද්ධයි.
නමුත් ඔබට ණය නැතිව ආයෝජන හොයන්න පුළුවන් සාර්ථක මාර්ග කීපයක් මෙතැන තියනවා.
කරුණාකර කියවන්න: https://kaalama.org/read-blog/13562

image

රජයේ සහ රටේ ජනතාවගේ අවධානය පිණිසයි.
අපගේ දරුවන්ගේ අනාගතය වෙනුවෙන් මේ යෝජනා තුන 3 කියවන්න.

1). විමධ්‍යගත ආර්ථික සැලසුම - 2022

අරමුණ: ජාතික ආර්ථිකය විමධ්‍යගත කිරීම, රටේ ආර්ථිකය “ආකෘතිගත” කිරීම, ස්ථාවර දේශීය ආර්ථිකයක් ගොඩ නැගීම, රට වස විස වලින් තොර ආහාරයේන් ස්වයංපෝෂිත කිරීම, ගමට රැකියා ලබාදීම, විදේශ විනිමය ඉපයීම, ආගමික සහ ගුණධර්ම ප්‍රවර්ධනය සහ අනවශ්‍ය ආනයනය කිරීම් අවම කිරීම.

කොටස් 20 සහිත සම්පුර්ණ සැලසුම : https://kaalama.org/read-blog/3

2). අධ්‍යාපන ප්‍රතිසංස්කරණ යෝජනාව - 2022

අරමුණ: නිෂ්පාදන ආර්ථිකයකට අවශ්‍ය දක්ෂයන් බිහි කිරීම, ගුණගරුක දැනුවත් බුද්ධිමත් සමාජයක් බිහිකිරීම, සියලු දරුවන්ට සම අධ්‍යාපන අවස්ථා සැලසීම, අනවශ්‍ය තරඟය සහ මානසික ආතතිය අල්ප කිරීම, අධ්‍යාපනය මුදලට විකිණීම අවම කිරීම, දෙමව්පියන් විසින් දැරිය යුතු අධ්‍යාපන වියදම් අවම කර නොමිළේ අධ්‍යාපනය සත්‍ය වශයෙන්ම සියලු ජනතාවට නොමිළේ ලබා දීම, රටට ප්‍රයෝජනවත් තරුණ පරම්පරාවක් ගොඩ නැගීම.

කොටස් 32 සහිත සම්පුර්ණ යෝජනාව : https://kaalama.org/read-blog/6176

3). කාලාම ප්‍රතිපත්ති හෙවත් ලාංකීය සංස්කෘතික සහ සාමාජිය ප්‍රතිසංස්කරණ යෝජනාව - 2021

අරමුණ: යහපත් සිංහල බෞද්ධ සමාජයක් ගොඩ නැගීම.

ගිහිපැවිදි අප සැමගේ යුතුකම් සතර බැගින් වූ සම්පුර්ණ යෝජනාව: https://kaalama.org/read-blog/7033

මෙම යෝජනා "නොකියවා" හුදු උපකල්පන මත විවේචන ඉදිරිපත් කිරීම බුද්ධි ගෝචර නොවන බව කරුණාවෙන් සලකන්න.

ස්තුතිය
මෙම යෝජනා කියවීම සඳහා ඔබ ගතකල කාලයට බොහොම ස්තුති.
මෙවැනි රටක් අපිට ඇත්තටම ගොඩනැගිය නොහැකිද? තීරණය ඔබ මා අතේ ම පමණයි.

අදම ඔබගේ හිත මිතුරන්ට මෙය ශෙයා කර මේ ජාතික කටයුත්තට එක් වෙන්න.

අක්ෂර වැරදි ආදිය සියල්ලටම සමාවන්න. මෙය දළ පිටපතයි.

ආචාර්ය බුද්ධික අදිකාරී
----//-----
by Dr. Buddika Adikari
B.Sc (Moratuwa), PhD (Surrey, UK)
© Buddika R B Adikari All Rights Reserved.

image

ඔබ FB කාලකන්නියෙක්ද?

බොහෝ දෙනෙක් මුහුණු පොතේ කරන්නේ "time pass" කරන එක. සිංහලෙන් කියනවා නම් "කාලේ කන" එක.
ඔබට ඊට වඩා දෙයක් තමන් ඉපදුන හැදුන වැඩුන රට වෙනුවෙන් මුහුණු පොතේ කරන්න බැරිද? ඇත්තටම පුළුවන්.

අපි සරල පියවර කිහිපයකින් කරන විදිහ තේරුම් ගමු.

1. ඉස්සෙල්ලම මේ රටේ දේශපාලන තත්වය නිවැරදි කරන්නේ නැතිව රට හදන්න බැරි බව තේරුම් ගන්න.

2. ජනතාවගේ දේශපාලනය කියන්නේ පක්ෂවලට කඩේ යෑම හෝ අනුන්ගේ වැරදි හෙවීම හෝ සුද්ද කිරීම නොවන බව තේරුම් ගන්න.

3. නියෝජිත දේශපාලනය කියන්නේ සරලව "ඔබේ පෞද්ගලික මතය" නියෝජනය කරන පුද්ගලයා සොයා ඔහු හෝ ඇය ඔබ වෙනුවෙන් පාර්ලිමේන්තුවට යැවීමයි කියල තේරුම් ගන්න.

මේ කරුණු තේරුම් ගන්න ඔබ දක්ෂ වෙන්න ඕනෑ, උනන්දු වෙන්න ඕනෑ, හොයල ඉගෙන ගන්න ඕනෑ. නැතිව හැමදාම මාධ්‍ය විසින් පුම්බන චරිත පස්සේ ගිහින් කවදාවත් මේ රට හදන්න බැහැ.

4. ජර්මනිය, සින්ගපුරුව, දකුණු කොරියාව, ජපානය වගේ රටවල වේගයෙන් දියුණු වුනේ කොහොමද කියල හොයල බලන්න.

5. ඒ වගේ මේ රට, රටට අනන්‍ය වූ සංස්කෘතිය, පරිසර පද්ධතිය ආදිය රැකගෙන රට දියුණු කරන්න සුදුසු දැක්මක් සහ හැකියාවක් තියන්නේ කාටද කියල ඔබම හොයල බලන්න. මොන පක්ෂේ වුනත්, ස්වාදීන වුනත් කමක් නැහැ. ඒ තමයි ඔබේ නියෝජිතයා.

6. ඒ අනුව පක්ෂ පාට අමතක කරලා, ඒ දැක්ම වෙනුවෙන් මුහුණු පොතේ ඔබගේ අදහස අන් අයට කියන්න. ජන මතයක් සකස් කරන්න. රටේ නිවැරදි දේශපාලනයට සක්‍රීයව දායක වෙන්න.

මේ දේ ඔබ අවංක හැඟීමෙන් කලොත් අපේ රටේ දේශපාලන දිශා ආනතිය ඉදිරි අවුරුදු 10 දී වෙනස් වෙනවා කියන එකේ සැකයක් නැහැ. ඒ වගේම රටේ දියුණුවේ මාවතත් ඒකම යි.

මේ රටේ අනාගතය වෙනුවෙන් මා යෝජනා කරන්නේ මොකක්ද? --> https://kaalama.org/post/38592

ආචාර්ය බුද්ධික අදිකාරී
----//-----
by Dr. Buddika Adikari
B.Sc (Moratuwa), PhD (Surrey, UK)
© Buddika R B Adikari All Rights Reserved.

image

නමුත් මොන පක්ෂේ වුනත් එවැන්නවුන් පත් කරන්නෙත් ජනතාවම තමයි!!

image
  • About
  • Towards a Union of Independent Political Groups
Enter with Facebook Login